حكايات نرمين عادل 2
صوت الراجل كان رخيم، فيه صرامة قاطعة تحسسك إنك بتكلم سد حجر مش مجرد بني أدم.. صوت اللواء حمزة العطار.
أخذت نفس عميق، وقُلت بنبرة ثابتة رغم المجهود:
– «مساء الخير يا سيادة اللواء.. أنا ندى.. ندى بنت المرحوم عبد الحميد وبنت الحجة فاطمة بتاعة مطعم وسط البلد.»
سكوت مفاجئ خيّم على الناحية التانية من الخط.. سكوت تقيل، وبعدها سمعت صوت نفس عميق وزفير هادي، قبل ما يترد عليا بصوت اتغيرت نبرته تماماً وبقت فيها دفء وأبوّة غير متوقعة:
– «ندى؟ بنت فاطمة؟ يا أهلاً يا بنتي.. البقاء لله في أمك.. أنا عرفت متأخر للأسف وكنت بره مصر.. أمك كانت ست بعشر رجال يا ندى، وشيلت السر وحمتك بعينيها طول العمر.. طمنيني عنك، فيه حاجة حصلت؟ عشان فاطمة الله يرحمها قالت لي يوم ما ندى تتصل بيك، اعرف إن الكلاب حاصروها!»
الكلمة قطعت شكوكي تماماً.. الراجل ده مش مجرد اسم في أجندة، ده الشرف اللي أمي سابتهولي سند في الظلمة.
قُلت له بكل تفاصيل الليلة: طرد طارق وأهله، تهديد توفيق الجبلي والرجالة بتوعه، مكالمة طارق الأخير وعرض المليون جنيه، والورقة المقطوعة، وسلسلة أمي والمفتاح الفضي اللي فتح سر
وعقد أرض السوق.
سمعني اللواء حمزة بدون ما يقطعني بنقطة واحدة.. ولما خلصت، قال بصوت هادي يرعب من كتر ثقته:
– «سمعيني كويس يا ندى.. طارق وتوفيق الجبلي وأمه صفية، دول مش مجرد ناس طمعانين في بيت.. دول شبكة تزوير واستيلاء على أراضي الدولة والأوقاف في وسط البلد والمعادي من التسعينات.. أبوكِ عبد الحميد اكتشف إن العقود اللي توفيق الجبلي بيبني بيها أبراج هي عقود مزورة، وإن العقد الأصلي لأرض السوق كلها كان تحت إيده.. ولما رفض يبيعه أو يدخل معاهم في اللعبة، صفّوه.. وغطوا على الجريمة كأنها حادثة عربية عادية.»
مقالات ذات صلة
حكايات اسما السيد 2
منذ ساعة واحدة
حكايات امانى السيد 2
منذ 4 ساعات
حكايات ندى الجمل 2
منذ 8 ساعات
حكايات ندى الجمل 1
منذ 8 ساعات
دقات قلبي زادت، واللواء كمل:
– «أمك فاطمة أذكيك من إنها تبلغ وقتها وهي لوحدها ومعاها طفلة صغيرة اللي هي أنتِ.. آثرت الخفاء واستحملت الفقر وشقا الفول والطعمية وخبّت العقد والأوراق في مكان ما يوصلوش له، وحاطت طارق في طريقك عشان تشوفي بنفسك حقيقته وتكشفيهم وهم فاكرين إنهم بيلعبوا بيكي!»
