انا وجوزى حكايات رومانى مكرم 1
عمت جوزي تدخلت في الكلام وهي بتحاول تطيب الخاطر:
— يا جيهان يا بنيتي، كل بني آدم خطاء.. والولد أخد جزاءه وزيادة، أهو نايم في السرير مش قادر يتحرك، ووشه متقطع من الضرب، والفضيلة طالعة عليه في المنطقة كلها.. كفاية عليه لحد كده، اعتبريها كبوة وشيطان ودخل بينكم، وتعالي ارجعي بيتك وهو يتعهد قدامنا كلنا إنه مش هيمسك تليفون تاني ولا هيبص برة!
وقفت على حيلي وبصيت لها بكل قسوة وصرامة وقلت:
— يتعهد؟! هو أنا كنت جوزته عشان أربيه وأمشي وراه بعصاية؟! أنا دخلت بيته معززة مكرمة، صنت بيته واسمه، وكنت شايلته في عيني.. يقوم هو يسبني قاعدة في الصالة ويقوم يدخل البلكونة يعمل نفسه بيتفرج على خناقة، وهو في الأصل سايب تليفونه ومكشوف قدامي؟!
سكت شوية وجمعت نفسي وبعدين كملت:
— أنا مش راجعة.. والضرب اللي أكله ده مجرد تسخين، مجرد القرصة الأولى عشان يعلم إن ربنا مابيرضاش بالظلم. ورقتي توصلني لحد بيت أهلي هنا مكرمة، وإلا قسم بالله التسجيلات والصور دي هتبقى على كل صفحة في الفيس بوك باسمه الكامل وباسم أهله وشغله!
حمايا أول ما سمع كلمة “التسجيلات تنزل على الفيس بوك” اتنفض من مكانه، ووشه ابيض زي الملاية. هو راجل كبير ويهمه سمعة العيلة في المنطقة وفي السوق، عارف إن نزول حاجة زي دي معناها إن سمعتهم كلها تتدمر وللأبد، خصوصاً إن منطقة شغل جوزي أصلها ناس معلمين وما بيرحموش في المسائل دي.
حمايا بص لأبويا وقال بنبرة فيها ترجي:
— يا حاج.. احنا بيننا نَسَب وأصول، بلاش نوصل الموضوع للتشهير والفضايح. اللي تؤمر بيه جيهان ينفذ.. عاوزة الطلاق؟ طلاق هيتم، بس بلاش تمشي في سكة الفضايح دي، حقكم عليّ أنا، وأنا اللي هجبس لكم حقكم من تحت إيده.
أبويا بص لي وشاف الثبات اللي في عيني، وربت على كتفي وقعدني جنبه، وقال لحمايا بصوت قاطع:
— سمعت كلام بنتي يا حاج.. البنت مش عاوزة كمل، والورق يوصلنا بالمعروف زي ما دخلنا بالمعروف، وكل حاجتها ومؤخرها يجي لحد عندها من غير نقص جنيه واحد.. وإلا قسم بالله اللي بنتي ما عملته، أنا اللي هعمله وشغله وقرايبه وكل الدنيا هتعرف ابنك كان بيعمل إيه!
حمايا هز رأسه بقهر وقام وقف، ومسك إيد أخته وقال:
