حكايات زهره الربيع 2
“كارم صرخ بصوت هيستيري وهو بيخبط بإيده على الكرسي:”لأ! لأ إلا عمي! عمي مالوش دعوة… أنا السبب، خذوني أنا! احبسوني أنا بداله!”الراجل ضحك ضحكة قذرة وشريرة هزت العربية:”تحبس أنت؟! أنت حتة عيل مالمش أي لازمة ولا قيمة في السوق!
القوانين والأوراق باسم عمك سالم الراجل الأصيل اللي كتب على نفسه شيكات عشان يحميك، وأنت بكل سهولة دمرته وبعته في ثانية عشان منظرة فارغة وبنت ضحكت عليك! المعلم صابر بيقولك: لو عايز تنقذ عمك من السجن وتنقذ أبوك المريض إنه يطب ساكت لما يعرف إن أخوه هيدخل السجن بسببك.
.. قدامك 24 ساعة بس!”العربية وقفت فجأة في مكان مقطوع ومظلم على أطراف المدينة، الباب اتفتح والراجل زق كارم برة العربية، فوقع على الأرض والتراب ملا هدومه. وقف الراجل فوق رأسه وقال ونبرته زي السكين:”24 ساعة يا كارم.
.. يما تجيب الخمسة مليون جنيه بتوع الدين والفوائد كاش، يا إما بكرة زي الوقت ده، عمك سالم هيبات في التخشيبة، وأبوك محمود هيمو. ت بسكتة قلبية لما يسمع الخبر… ورجلك فوق رقبتك تصرف!”اتقفلت أبواب العربية وطلعت بأقصى سرعة، وسابت كارم مرمي على التراب في الظلام.
كارم بقى صامت على الأرض، وبقى يبكي بحرقة وندم عم عمره ما حس بيه قبل كده… افتكر ض. ربة أبوه على وشه، افتكر كلام علياء الصارم، افتكر وقفة عمو سالم وهو بيكتم وجعه ويداري حقيقته عشان يستر عليه قدام الناس…
افتكر إزاي هو كان أعمى وغبي وبايع أهله اللي ضحوا بكل حاجة عشان يحموه. امسح دموعه بكف إيده، وقام وقف وهو بينفض التراب من على هدومه، وعينيه أتحولت لنظرة تانية خالص.
.. نظرة واحد صحي من الغيبوبة، واحد أدرك إن حياته القديمة انتهت، وإن قدامه معركة يا إما يثبت فيها إنه راجل ويشيل الشيلة وينقذ أهله، يا إما يمو. ت بالعار!
طلع تليفونه بإيد بتتنفض، وفتح الأسماء… كان محتار يكلم مين؟ يكلم نورهان اللي خدعته؟ ولا يكلم حازم خطيب علياء؟ ولا يروح لأبوك وعمك ويعترف باللي حصل؟وفجأة… جاله إشعار برقم غريب على الواتساب، مسج بصوت نورهان!فتح الصوت بلهفة، وسمع نورهان بتقول بصوت هادي وفيه همس غريب:”كارم.
.. لو عايز تعرف السر الحقيقي ورا صابر الدالي، مين اللي زقه على عمك من أربع سنين، ومين اللي أدى له الشيكات النهاردة بالذات عشان يدمر عيلتكم… تعالالي الشقة فوراً، بس بشرط… أوعى تقول لأبوك ولا لعمك حرف واحد، لأن المو. ت المرة دي هيبقى قريب جداً من الكل!
