رجل الاعمال
ــ فين الممرضة؟
الحاجة فاطمة سكتت. ــ ممرضة إيه؟ ــ اللي المفروض تكون معاكي. سارة قامت وقفت. ــ وطي صوتك. الكلمة ضايقته. ــ دي أمي. ــ عارفة. ردت بهدوء. ــ هي أُمك. كلمتين بس. لكن حس إنهم قلم على وشه.
قرب من السرير. ــ يا أمي… الفلوس اللي ببعتهالك كل شهر راحت فين؟ إيد الحاجة فاطمة شدت البطانية. ــ بعدين يا ابني. ــ لأ… دلوقتي. سارة وقفت بينهم. ــ هي محتاجة ترتاح. بصلها بغضب.
افتكر يوم الطلاق. لما قال للمحامي إنها السبب إنه واقف مكانه. وإنها ست بسيطة على طموحه. وإنه عايز يعيش حياة أكبر منها. وقتها سارة مضت على ورق الطلاق… من غير ما ترجاه. وده كان مستفزه أكتر. ودلوقتي… واقفة بتحمي أمه منه.
ــ إنتِ بتعملي إيه هنا؟ بصت للحاجة فاطمة. ــ برعاها. ــ إنتِ خلاص مالكيش صفة هنا. الحاجة فاطمة همست وهي بتعيط: ــ بالعكس… دي بنتي. كريم لف بسرعة. ــ نعم؟! ــ هي وقفت جنبي أكتر من أي حد. الجملة نزلت عليه زي الصاعقة. ــ يا أمي… أنا صارف عليكي كل حاجة. الحاجة فاطمة قفلت عينيها. أما سارة… فبصتله بنظرة صغيرة. هو لاحظها. ــ النظرة دي معناها إيه؟ ــ ولا حاجة. ــ لأ… إنتِ شايفة إني بقول كلام فارغ. ــ ماقولتش كده. قرب منها خطوة. ــ أنا فاهم اللعبة دي كويس. رجعت بعد ما بقيت غني. واقفـة جنب أمي. لمحة نيوز أكيد مستنية حاجة. الحاجة فاطمة صرخت: ــ كريم! أما سارة… فاتوجعت من الكلام. لكن تماسكت. ــ إنت فاكر إني جاية عشان فلوسك؟ ــ أغلب الناس ما بتعملش خير لوجه الله. فضلت باصة في عينيه كام ثانية. وبعدين قالت: ــ كده فهمت ليه خسرت حاجات كتير. وش كريم اتغير. هو بقى واحد من أكبر رجال الأعمال في مصر. محدش بيكلمه بالطريقة دي. خصوصًا الست اللي سابها زمان.
وفجأة… بص لإيد أمه. الدبلة لسه مش موجودة. ــ فين دبلة أبويا؟ سارة استغربت. ــ تقصد إيه؟ ــ الدبلة فين؟ الحاجة فاطمة وشها اصفر. وسارة سكتت. والسكوت ده زوّد شكه. ــ بعتوها؟ سارة بصتله وكأنها أخدت قلم. ــ كفاية! الحاجة فاطمة صرخت. لكن فجأة دخلت في نوبة كحة شديدة. سارة جريت عليها. حطت إيد ورا ضهرها. والتانية طلعت البخاخ من مكانها بسرعة. ــ واحدة واحدة يا حاجة… خدي نفسك… بالهداوة… كريم وقف مكانه. مشلول. طليقته عارفة كل تفاصيل علاج أمه. وهو… مايعرفش حتى الدوا بيتحط فين.
