حماتي حطت قدامي طبق مسقعه بايت ج3 والاخير حكايات منــال عـلـي
الجزء الثالث والأخير
فضلت باصة لكريم كام ثانية…
مش عشان كلامه صدمني.
لكن عشان لأول مرة أشوفه بيختار يقف ضدي بالشكل ده.
ابتسمت… حكايات منــال عـلـي
ابتسامة هادية خالص.
وقلت:
ـ حاضر… هتشوف.
دخلت أوضتي، طلعت الملف الأزرق من الشنطة، واتصلت بالمحامية.
قلت لها:
ـ ابدئي كل الإجراءات.
قالت بهدوء:
ـ متأكدة؟
رديت من غير تردد:
ـ أكتر من أي وقت فات.
متوفره على روايات واقتباسات
بعد يومين…
كان أحمد رجّع عنوان
الشركة فعلًا.
لأنه عرف إن موقفه القانوني ضعيف.
لكن بالنسبة لي…
الموضوع ما بقاش موضوع عنوان.
الموضوع بقى احترام.
وفي آخر الأسبوع…
رجعت من الشغل ولقيت البيت هادي.
ناديت:
ـ كريم؟
محدش رد.
دخلت الصالة…
لقيت شنط حماتي وأحمد متجهزة.
وكريم قاعد ساكت.
قال:
ـ أمي هترجع تعيش عند أختي… وأحمد لقى شقة إيجار مع واحد صاحبه.
هزيت راسي.
وقلت:
ـ كويس.
سكت شوية…
وبعدين قال:
ـ بس إنتِ كسبتي… مبسوطة؟
بصيتله بهدوء.
ـ دي
عمرها ما كانت منافسة يا كريم.
أنا كنت كل اللي بطلبه إنك تحترمني.
إنك قبل ما تستخدم بيتي… تستأذن.
وقبل ما تقف مع حد… تعرف مين اللي كان واقف جنبك من الأول.
نزل راسه. حكايات منــال عـلـي
ولأول مرة…
ما لقىش رد.
عدى شهر.
كل واحد بقى في مكانه.
البيت رجع هادي.
والغريب…
إني لأول مرة من شهور بقيت أحب أرجع له.
أما كريم…
فهو اللي طلب يقعد معايا يتكلم.
قال بصوت مكسور:
ـ أنا خسرت أمي وأخويا… وكدت أخسرك إنتِ
كمان.
أنا افتكرت إن الجواز معناه إنك تستحملي أي حاجة.
لكن اكتشفت متأخر إن الصبر له حدود.
بصيتله وقلت:
ـ وأنا كمان اتعلمت حاجة…
السكوت عمره ما بيحل المشاكل.
بالعكس…
بيخلي اللي قدامك يفتكر إن من حقه يكمل.
فضل ساكت، وبعدها قال:
ـ ممكن تديني فرصة أصلح اللي عملته؟
ابتسمت ابتسامة خفيفة.
وقلت:
ـ الفرصة دي كان المفروض تاخدها من أول مرة اخترت تسكت.
لكن لو هنكمل…
هيكون باحترام وحدود واضحة.
وافق من غير نقاش.
ومن يومها..
.
ما بقاش في حد يدخل بيتي أو ياخد قرار يخصني من غير ما يرجعلي.
لأن البيت اللي مفيهوش احترام…
مهما كان كبير وجميل…
بيفضل مجرد أربع حيطان.
تمت.
اللهم إني أعوذ بك من قلب لا يخشع، ومن دعاء لا يُسمع، ومن نفس لا تشبع، ومن علم لا ينفع، اللهم إني أعوذ بك من هؤلاء الأربع. اللهم إن قلبي بين يديك فارزقه الثبات والراحة وازرع لي ف كل خطوة سعادة. اللهم ارزق ذريتي الصحة والعافية والذكاء والنباهة وسرعة وقوة الحفظ والفهم، وارزقهم أن يُسخِّروا كل ذلك لخدمة دينك والدعوة إليك. اللهم أشغلنا بذكرك عن كل ذكر، وبطاعتك عن كل طاعة، رب أنت الميسر، وأنت المسهل، سهل أمورنا، وحقق مطلبنا، وسخر لنا ما هو خير في كل أمر. يا رب،
