حكايات اسما السيد ج1
جوزي قالي إنه هيتجوز عليا… ويوم ما سافر يحضر فرحه على مراته التانية، لمّيت هدومي، أخدت ولادي التلاتة، ومشيت… من غير ما أبص ورايا…وأنا عارفه هعمل ايه كويس
أنا اسمي مريم.اتجوزت أحمد من أكتر من خمس سنين.
ربنا رزقنا بتلات ولاد…كلهم شبه أبوهم.كنت فاكرة إن حياتنا مستقرة.بنضحك…وبنخطط…وبنبني بيتنا مع بعض.لحد يوم ما اتقلبت حياتنا…
قلب حياتي كلها.صحيت لقيته قاعد على طرف السرير.
اتنحنح…وقال بمنتهى البرود:”يا مريم… أنا قررت أتجوز.”
ضحكت.مش لأن الموضوع يضحك…لكن لأن عقلي رفض يصدق اللي سمعه.بصيت له وقلت:”بتقول إيه؟””هو أنا قصرت معاك في إيه؟””مش بتحبني؟”عدل هدومه…
وقال وكأنه بيتكلم عن حالة الجو:”أنا راجل.””وعايز أتجوز واحدة تانية.””لما نكبر في السن.. هتكوني عجزتي وفي طلبات هكون محتاجه مش هتقدرى عليها لوحدك .”
حسيت إن حد ضربني على وشي.قلت بسرعة:”انت مجنون؟””وبعدين ولادنا لسه صغيرين.””خلينا نربيهم الأول.”وقف…وبصلي ببرود.وقال:”هربيهم…””وبرضه هتجوز.””وده قرار نهائي.”وساب الأوضة…ومشي.
ومن اليوم ده…الخوف دخل بيتي.ليلتها…ماعرفتش أنام.
فضلت أبص على ولادي وهم نايمين.وأسأل نفسي…
إزاي أب يقرر يهدم بيته…بكل السهولة دي؟تاني يوم…
كلمت أمه.عيطت.واترجيتها.حكيت لها كل حاجة.
سمعتني للآخر…وبعدين قالت:”يا بنتي…ده راجل.”
قلت بصدمة:”يعني إيه راجل؟”قالت:”الراجل من حقه يتجوز.””وإنتِ هتفضلي الزوجه الاولي.”” ومالكِش غير بيت جوزك.”قفلت السكة…وإيدي بتترعش.قولت يمكن أمي…تقف في ضهري.اتصلت بيها.ولسه ببدأ أحكي…
قاطعتني.وقالت بعصبية:”يعني هتسيبي واحدة تانية تاخد بيتك؟””إوعي تطلعي منه.””استحملي.”
“إحنا استحملنا أكتر من كده.””ولو تعبتِ…قومي صلي وادعي ربنا.”قفلت مع أمي…وحسيت إني بقيت لوحدي.
استحملت.دعيت.وصومت.وعيطت كل ليلة…لحد ما دموعي نشفت.لكن…ولا حاجة اتغيرت.
خطيبته الجديدة دخلت البيت.وكأنها صاحبة المكان.
أول مرة رمت الأكل اللي كنت عاملاه…قالت وهي بتضحك:”هطبخ لخطيبي حاجة تليق بيه.”ضحك أحمد.وقال:”إنتِ يا مريم…دايمًا غيورة.”
“وبتكبري المواضيع.”بعدها…المطبخ بقى بتاعها.
والبيت بقى بيتها.وبقت تنتقدني قدام ولادي.وتهمس في ودن جوزي…فيبصلي وكأني عدوته.ولو اشتكيت…
كان يقولي:”إنتِ بتتخيلي.””إنتِ المشكلة.””بطلي غيرة.”
وبقيت..غريبة في بيتي.لحد ما جه يوم…
قال لي:”أنا مسافر يومين.”علشان تجهيزات الفرح.”
ابتسمت.وقلت:”ربنا يفرحك.”أول ما عربيته خرجت من الشارع…دخلت أوضتي…وو
لايـك وسيبلـي كومنـت وهـرد عليكـم باللينكـ بعـد شـوية وقـت صـغيرين _ حكـايـات أسمـا السـيد
@أبرز المعجبين
أول ما عربيته خرجت من الشارع…
دخلت أوضتي…
قفلت الباب ورايا…
وبصيت لنفسي في المراية.
وشي كان مرهق…
وعيني وراها سنين من القهر.
لكن لأول مرة…
ماكنتش بعيط.
ابتسمت.
ابتسامة هادية…
خوّفتني أنا شخصيًا.
قلت لنفسي:
“خلاص يا مريم… الدور عليكي.”
فتحت الدولاب.
طلعت شنطة السفر الكبيرة.
وبدأت ألم هدومي…
وهدوم ولادي التلاتة.
ولا استعجلت…
ولا ارتبكت.
كنت بطبق كل حاجة بهدوء.
كل تيشيرت كنت بحطه في الشنطة…
كنت بحط معاه ذكرى.
ذكرى كسرة…
أو إهانة…
أو دمعة.
ابني الكبير دخل الأوضة.
بص للشنطة.
وقال باستغراب:
“إحنا مسافرين يا ماما؟”
نزلت لمستواه.
حضنته.
وقلت بابتسامة:
“أيوة يا حبيبي…
هنروح مكان أحسن.”
قال ببراءة:
“وبابا؟”
سكت ثواني…
وبعدين قلت:
“بابا اختار طريق…
وإحنا هنختار طريق تاني.”
ماسألش تاني.
يمكن الأطفال…
بيفهموا الوجع…
أكتر من الكبار.
خلصت توضيب كل حاجة.
فتحت الدرج.
طلعت عقد الجواز.
وشهادات ميلاد الولاد.
وبطاقتي.
وكل الأوراق المهمة.
حتى الصور القديمة…
بصيتلها ثانية.
صورة يوم كتب الكتاب.
صورة أول عيد.
صورة يوم اتولد أول ابن لينا.
كنت فيها بضحك من قلبي.
ابتسمت بحزن.
وقلت:
“البنت دي…
لو كانت تعرف المستقبل…
مكنتش صدقت.”
مزقت الصور واحدة ورا التانية.
ورميتها في سلة الزبالة.
مبقاش ليا فيها حاجة.
نزلت المطبخ.
بصيت حوالي.
البيت اللي تعبت فيه.
الحيطة اللي دهنتها بإيدي.
الستاير اللي اخترتها.
السفرة اللي كنت بجمعهم عليها كل يوم.
كل ركن فيه حتة من عمري.
لكن البيت…
بقى خلاص…
مش بيتي.
كتبت ورقة صغيرة.
وحطيتها فوق الترابيزة.
كان مكتوب فيها:
“مبروك عليك البيت…
ومبروك عليك اختيارك.
أنا مش هكون شاهدة على هدم كرامتي.
ولادي هيكبروا وهم عارفين إن أمهم خرجت برأسها مرفوعة…
مش مطرودة.
ومتتعبش نفسك تدور علينا…
لأن اللي خرج بإرادته من قلبي…
مستحيل يرجعله تاني.”
قفلت الظرف.
وسبته في نص الترابيزة.
بعدها طلبت عربية.
السواق ساعدني ينزل الشنط.
الولاد ركبوا.
وأصغر واحد فيهم كان نايم على كتفي.
بصيت للشقة آخر مرة.
لا عيطت.
ولا ندمت.
قلت في سري:
“يا رب…
افتحلي باب…
يقفل كل أبواب الوجع.”
العربية اتحركت.
وإحنا بنبعد…
كنت شايفة العمارة بتصغر قدامي.
لكن الغريب…
إن الحمل اللي كان على صدري…
كان بيخف.
بعد حوالي ساعتين…
وصلت عند شقة صغيرة.
شقة قديمة…
كنت شاريّاها من سنين قبل الجواز.
ماكنتش حد يعرف عنها حاجة.
حتى أحمد نفسه…
ماكانش يعرف.
كنت مأجراها لست كبيرة.
ولما الست سافرت تعيش مع بنتها…
فضلت الشقة مقفولة.
فتحت الباب.
ريحة المكان كانت تقيلة.
لكن بالنسبة لي…
كانت ريحة بداية جديدة.
الولاد جريوا جوه.
واحد قال:
“دي شقتنا الجديدة؟”
قلت بابتسامة:
“أيوة…
ومن النهارده…
محدش هيزعق لمامتكم.
ولا هيكسر خاطرها.”
قضينا الليلة دي…
على مراتب على الأرض.
من غير عفش.
من غير رفاهية.
لكن…
كان فيه حاجة غابت عني سنين.
الأمان.
وفي نفس الوقت…
كان أحمد واقف في مدينة تانية.
بيختار بدلة الفرح.
وبيضحك مع أصحابه.
وموبايله بيرن.
مرة.
واتنين.
وعشرة.
من الجيران.
لكنه كان بيقفل المكالمات.
وبيقول:
“أكيد مريم بتعمل مشكلة جديدة.”
ماكانش يعرف…
إن المشكلة الحقيقية…
كانت لسه هتبدأ.
الجزء اللي بعده
في صباح اليوم التاني…
صحيت بدري.
عملت سندوتشات للولاد.
ولأول مرة من سنين…
شربت قهوتي من غير ما أبقى مستنية حد يصحي ويزعق.
كان الهدوء غريب…
بس مريح.
وفجأة…
الموبايل رن.
اسم أحمد.
بصيت للشاشة.
وسبته يرن.
رن تاني.
وتالت.
وعاشر.
لحد ما بعت رسالة.
“إنتِ فين؟”
ما رديتش.
بعدها بدقيقة…
“إنتِ خرجتي من البيت؟”
وبعدها:
“ردي عليا بدل ما أجنن.”
ابتسمت.
وقفلت الموبايل.
في نفس الوقت…
كان هو راجع البيت بعد يوم طويل.
فتح الباب…
ونادى بصوته العالي:
“يا مريم!”
محدش رد.
دخل الصالة…
لقي السفرة فاضية.
المطبخ نضيف.
أوضة الولاد فاضية.
فتح الدولاب…
ملقاش هدومي.
رجع يجري للصالة.
وشاف الظرف فوق الترابيزة.
فتحه بسرعة.
وقرأ الورقة.
وكل سطر كان بيخليه وشه يتغير.
وفي آخر سطر…
اتجمد مكانه.
مسك الموبايل…
واتصل.
“الهاتف الذي طلبته مغلق.”
رماه على الكنبة بعصبية.
في اللحظة دي…
دخلت خطيبته وهي مبتسمة.
وقالت:
“خير يا حبيبي… حصل إيه؟”
ناولها الورقة.
قرأت كام سطر.
وبعدين قالت وهي بتضحك:
“سيبها…
هترجع بعد يومين.”
بصلها وسكت.
لكن لأول مرة…
الكلام بتاعها ما ريحوش.
عدى يوم.
واتنين.
وثلاثة.
ولا رجعت.
ولا اتصلت.
الجيران بدأوا يتكلموا.
واحدة قالت:
“مراته مشيت وسابتله البيت.”
والتانية ردت:
“دي كانت ست محترمة… استحملت كتير.”
الكلام وصل لأهله.
أمه اتصلت بيه.
وقالت بعصبية:
“يعني إيه مراتك سابت البيت؟”
قال بضيق:
“هي اللي مشت.”
قالت:
“وأولادك؟”
سكت.
لأنه لأول مرة…
افتكر إن البيت بقى فاضي.
مفيش حد بيصحّي الولاد.
مفيش حد بيذاكر لهم.
مفيش صوت ضحكتهم.
حتى لعبهم…
اختفت.
أما أنا…
فكنت بلف على مدارس قريبة من الشقة الجديدة.
علشان أنقل الولاد.
مديرة المدرسة سألتني:
“الأب هييجي يمضي؟”
ابتسمت بهدوء.
وقلت:
“لو استنيته…
ولادي هيضيع مستقبلهم.”
كانت أول مرة…
أنطق الجملة دي…
وأحس إني قوية.
بعد الضهر…
روحت مكتب محامي.
حكيتله كل حاجة.
قرأ عقد الجواز.
وسألني:
“إنتِ عايزة إيه؟”
قلت من غير تردد:
“أنا مش جاية أعيط.
ولا جاية أرجعه.
أنا جاية أعرف حقوق ولادي…
وأضمن مستقبلهم.”
ابتسم المحامي.
وقال:
“أخيرًا…
بدأتي تفكري بعقلك.”
وفي الناحية التانية…
كان أحمد قاعد في أوضة نومه لوحده.
بيبص على السرير الفاضي.
ولأول مرة من سنين…
اكتشف إن البيت اللي كان مليان حياة…
بقى ساكت.
لكن اللي ماكانش يعرفه…
إن المفاجأة الأكبر…
كانت مستنياه بعد أقل من أربع وعشرين ساعة.
لأن الشخص اللي كان فاكر إنها هتفضل مستحملة طول عمرها…
كان على موعد مع خبر…
هيقلب حياته كلها.
تاني يوم الصبح…
كان أحمد لسه صاحي…
وعيونه باينة عليها السهر.
موبايله رن.
بص للشاشة.
لقى الرقم بتاع البنك.
رد بضيق:
“ألو.”
الموظف قال باحترام:
“صباح الخير يا أستاذ أحمد… حضرتك عندك قسط متأخر، ولو ما اتسدّدش خلال أيام هتبدأ الإجراءات القانونية.”
اتعصب وقال:
“أكيد في غلطة… القسط بيتخصم كل شهر.”
رد الموظف:
“الخصم كان بيتم من الحساب اللي حضرتك حددته… لكن الحساب بقاله يومين مافيهوش رصيد كافي.”
قفل المكالمة وهو مستغرب.
فتح التطبيق.
اتفاجئ إن الرصيد قليل جدًا.
فضل يقلب في المعاملات.
وافتكر إن مريم كانت هي اللي بتنظم كل مصاريف البيت.
هي اللي كانت بتدفع الأقساط في مواعيدها.
وهي اللي كانت بتوفر من مصروف البيت علشان عمره ما يتزنق.
لكن عمره ما شكرها.
ولا حتى سألها كانت بتعمل ده إزاي.
في نفس الوقت…
خطيبته الجديدة كلمته.
وقالت بدلع:
“حبيبي… خلصت حجز القاعة؟”
قال بضيق:
“لسه.”
قالت:
“طب الشبكة؟”
قال:
“مش دلوقتي.”
استغربت من طريقته.
وقالت:
“مالك؟”
رد بعصبية:
“قلتلك مش دلوقتي.”
وقفلت وهي متضايقة.
أما مريم…
فكانت قاعدة مع ولادها على سفرة صغيرة.
بيفطروا فول وجبنة.
الأكل بسيط.
لكن الضحك كان مالي المكان.
ابنها الصغير قال:
“ماما… هنا أحلى من البيت الكبير.”
ابتسمت وسألته:
“ليه يا حبيبي؟”
قال وهو بيضحك:
“علشان محدش بيزعق.”
الكلمة دخلت قلبها.
لكنها خبت وجعها بابتسامة.
بعد الفطار…
رنت عليها صاحبتها القديمة “سلمى”.
أول ما سمعت صوتها قالت:
“إنتِ كويسة؟”
ردت مريم:
“أول مرة من سنين… أقدر أقول أيوه.”
سلمى سكتت شوية…
وبعدين قالت:
“أنا عندي عرض شغل ليكي.”
استغربت.
“شغل إيه؟”
قالت:
“الشركة اللي بشتغل فيها محتاجة مديرة حسابات… وأنا فاكرة إنك كنتِ شاطرة جدًا قبل الجواز.”
مريم اتنهدت.
قالت:
“بقالى خمس سنين بعيدة عن الشغل.”
سلمى ردت بثقة:
“الشطارة عمرها ما بتضيع.”
قفلت المكالمة…
وقلبها لأول مرة يحس إن فيه باب بيتفتح.
في الناحية التانية…
أحمد كان رايح يقابل خطيبته.
أول ما قعدوا…
قالت له:
“بالمناسبة… بعد الجواز أنا مش هقعد في شقتك.”
استغرب.
“ليه؟”
قالت وهي بتشرب العصير:
“الشقة قديمة… وأنا متعودة على مستوى معين.”
سألها:
“يعني عايزة إيه؟”
ابتسمت وقالت بمنتهى البساطة:
“نبيع الشقة… ونشتري فيلا.”
بصلها في صدمة.
وقال:
“أبيع الشقة؟”
قالت:
“طبعًا… هو إحنا هنعيش في المكان اللي كانت عايشة فيه مراتك؟”
في اللحظة دي…
افتكر كل ركن في البيت.
وافتكر إن مريم هي اللي كانت مصممة المطبخ.
وهي اللي اختارت العفش.
وهي اللي دفعت من شقاها في حاجات كتير…
من غير ما تطلب منه كلمة شكر.
لكن الأوان…
كان بدأ يفوته.
ولسه…
ماكانش يعرف إن مريم في اليوم التالي…
هتعمل خطوة…
هتخليه يفهم لأول مرة…
إن الست اللي كان فاكرها ضعيفة…
كانت طول عمرها أقوى مما تخيل.
اليوم اللي بعده…
لبست مريم هدوم بسيطة.
وسابت الولاد مع صاحبتها سلمى ساعتين.
وراحت الشركة.
وقفت قدام المبنى…
واتنهدت.
آخر مرة دخلت المكان ده…
كانت قبل جوازها بخمس سنين.
وقت ما أحمد قالها:
“إحنا مش محتاجين شغلك… اقعدي في البيت وريحي دماغك.”
ويومها…
استقالت.
افتكرته بيحافظ عليها.
لكن بعد السنين…
اكتشفت إنه كان بيبعدها عن أي استقلال.
دخلت الشركة.
الموظفين القدامى بصوا لها باستغراب.
واحدة منهم قامت حضنتها.
وقالت:
“مريم؟!
إنتي بجد؟”
ابتسمت وقالت:
“رجعت أدور على نفسي.”
دخلت مقابلة العمل.
مدير الشركة بص في سيرتها.
وقال:
“آخر خبرة ليكي من خمس سنين.”
هزت راسها.
وقال بهدوء:
“ودي نقطة ضدك.”
مريم ابتسمت.
وقالت بثقة:
“صح…
بس خلال الخمس سنين دول…
أنا كنت بدير بيت كامل…
وبنظم مصاريفه…
وبربي تلات أطفال…
ومن غير ما أغرق في الديون.”
المدير سكت.
وبعدين ابتسم.
وقال:
“واضح إن الخبرة العملية لسه موجودة.”
قعدوا أكتر من ساعة.
وفي آخر المقابلة…
مد إيده يصافحها.
وقال:
“مبروك يا أستاذة مريم…
تقدري تستلمي شغلك من أول الأسبوع الجاي.”
وقفت مكانها…
مش مصدقة.
أول مرتب.
أول بداية جديدة.
أول مرة تحس…
إنها واقفة على رجليها.
خرجت من الشركة…
وأول حد كلمته…
كان ولادها.
قالت وهي بتضحك:
“جهزوا نفسكم…
النهارده هنتغدى برة.”
الأطفال صرخوا من الفرحة.
وفي الناحية التانية…
كان أحمد قاعد مع خطيبته في محل دهب.
البياع حط قدامهم كذا طقم.
البنت اختارت أغلى واحد.
وقالت:
“ده عاجبني.”
سأل أحمد عن السعر.
أول ما سمع الرقم…
شهق.
وقال:
“غالي أوي.”
ردت ببرود:
“هو أنا هلبس أي حاجة؟”
قال:
“ممكن نشوف حاجة أقل.”
اتغير وشها.
وقالت:
“يعني مع مراتك الأولى كنت كريم…
ومعايا بتحاسب؟”
فضل ساكت.
لأن الحقيقة…
إن مريم عمرها ما طلبت شبكة غالية.
ولا شنطة ماركة.
ولا سفريات.
كانت كل أمنيتها…
بيت هادي.
ورجل يحترمها.
خرج من المحل وهو مخنوق.
أول ما ركب عربيته…
شاف صورة قديمة على شاشة الموبايل.
هو…
ومريم…
وأولادهم…
في أول رحلة ليهم.
كانوا كلهم بيضحكوا.
فضل يبص للصورة شوية…
وبعدين قفل الشاشة بسرعة.
كأنه بيهرب من إحساس بدأ يطارده.
إحساس…
إنه هو اللي ضيع عيلته بإيده.
أما مريم…
فكانت قاعدة وسط ولادها في مطعم بسيط.
كل واحد بيحكيلها نفسه يبقى إيه لما يكبر.
الكبير قال:
“أنا هبقى دكتور.”
والتاني قال:
“أنا هبقى مهندس.”
أما الصغير…
فحضنها وقال:
“وأنا… هشتغل أي شغل…
بس أوعدك أخليكي مبسوطة يا ماما.”
الكلمة دي…
كسرت قلبها من كتر ما فرحتها.
حضنته بقوة.
وقالت وهي بتحاول تمنع دموعها:
“إنتوا مش محتاجين تعملوا حاجة غير إنكم تكبروا كويس…
وساعتها هكون أسعد أم في الدنيا.”
وفي نفس اللحظة…
كان هاتف أحمد بيرن.
المتصل…
المأذون.
رد بسرعة.
لكن أول جملة سمعها…
خلت ملامحه تتغير تمامًا.
وقال بدهشة:
“إيه؟
يعني هي رافضة تكمل الجواز؟!”
وسكت…
لأن اللي سمعه بعد كده…
كان بداية صدمة جديدة…
يتبع
